Avgjerda til Vinmonopolet her: http://innsyn.e-kommune.no/innsyn_askvoll/wfdocument.aspx?journalpostid=2011008002&dokid=76877&versjon=1&variant=A&ct=RA-PDF

Ditta er spennande. Pol i Askvoll!
No er utviklinga sanneleg i sig. Folk i sentrumsgruppa, støtta av den nye ordføraren vår, jublar.
Askvollingane er etter kvart vorte verdensvande vi og, mange av oss. Vi må fylgje med i utviklinga. Eg har vore både i byn og i Førde eg. Andre har til og med vore utanlands. Reine ferieturar til Spanien og land endå lenger vekke, er vanleg og inn også for Askvollingar. Nokre av oss har sågar eigne feriehus ved Middelhavet. Askvollfruer kosar seg med vinkurs og levande lys i Spanien dei også, trur eg. Teknikk og fakter ved vinsmaking er godt innarbeidd. Sågar lokale hønsehus og losjehus er, om eg er rett informert, arena for vinkurs.
Klart Askvoll må ha pol. Pub, pol, sentrumsham, rådhus og kommunal næringsutvikling er satsingsområde. Kyrkja og skulehus rotnar på rot. Handelshus, bankbygg og hotell har reist seg på gamalt kornland. Potetåkeren er heilt avlegs, den er komen på museum, på framsida av siste utgåve av Askvollsoga. Fjordane våre vert avfallsplass for gruveindustri og anna. Fisken på bordet kjem innpakka i plast frå Kina. Hermitikkfabrikken er nedlagt, mm.
Utviklinga går sin gang, det neste vert høgst truleg pol i Askvoll. Mads Flokenes sin kulturkamp i Sunnfjord ser ut til å vere tapt og avlegs.
Kor lenge skal lokale kremmarar totalt få dominere utviklinga i Askvoll ?
Motførestillingar er så langt bortimot fråverande. Dei som har slike kan berre gå og legge seg.
Kva med politikarane våre, velsignar alle utviklinga? Dei med ambisjonar om attval og politisk kariære har neppe noko valg her, dei må snu seg etter vinden og juble i kor med handlande og kremmarar og andre.
Kvar er helsevesenet- kommunelegar, helsesøster, sosialsjef? Har ikkje desse motførestillingar/synspunkt på pol i Askvoll? Kanskje er dei verdensvande dei og, med vinkurs på CV. Kva med lokalt folkehelsearbeid, samhandlingsreforma??…..Førebels har det vore stilt frå denne kanten.

Nei, ditta var fælt å høyre Svein. Kan du nemne andre eksempel på at “kremarane” i Askvoll har innvirka på politikarane. Til denne saka er det vel ikkje så rart at næringslivet og kommunen med ordførar samla seg og gratulerer kvarandre. Ikkje fordi at ordføraren eller “kremarane” lettare får kjøpt seg ei flaske av polvareene, trur eg. Kan hende dei ser noko som er viktigare. Tenk deg Svein, at du som jobbar i Dale,kan ta med deg polvarer til dine venner, inntil brua kjem altså ! Nei, dette var litt fleipete, men du veit,handelslekkasjen til Førde, den bør både du og eg og mange fleire tenkje over. Det er viktig for bygda vår at vi kan behalde butikkane våre og kanhende det er nokon frå Førde som vil flytte ut her å drive som “kremar” ? Til den nye ordføraren Frida, vil eg gje honør for at ho stilte opp saman med næringslivet i denne saka. Vi lever ikkje berre av kultur og nostalgi. Vi må nok ha eit levande næringsliv. då har vi betre sjansar til å få til meir kultur o.l.

Pol i Askvoll
Så er debatten igang, også i Askvoll.
Etter gjennomlesning av eige innlegg vil eg kommentere dette litt sjølv:
1. Det er rett at eg har vore “både i byn og i Førde”. Ikkje for å handle polvarer, men i anna ærend.
2. Eg har ikkje grunnlag for å skrive at ordføraren vår her opptrer som “verhane”, og såleis snur eg etter vinden. Kanskje treng ho ikkje snu seg i det heile.

Så til Magne:
Magne har heilt rett i at pol/polvarer er trekkplaster i handelssamanheng. Det er business i dette. Mange lever av dette- mange dør av dette. Nokre(mange?) gjer begge deler- dei lever av polvarer så lenge det varer- og dei dør av polvarer når den tid kjem.
Pol/polvarer har utvilsomt svært uheldige sider for folkehelse og sosiale sider i samfunnet. Dette har eg kun antyda i mitt første innlegg. Magne m.fl. nemner ikkje desse sider. Kvifor det- er desse sider ukjende for Magne og andre jublande polentusiastar? Bryr dei seg ikkje om desse sider?
" Kremmarar", event." kremarar", er eit belasta uttrykk som Magne, om eg forstår rett, ikkje likar.
Innhaldet i dette vert imidlertid ikkje noko anna av eventuell kosmetisk endring av språkbruken.
At handelsnæringa sine businessinteresser i stor grad har dominert “utviklinga”, både i Askvoll og andre stader, ser eg på som eit faktum. Magne, med fortid som bymann i Førde og røynd turist i syden, må ha dårleg gangsyn dersom han har vanskar med å finne døme på dette.
Det Magne ellers skriv har han sjølv kommentert.

Difor vart Johannessen avhaldsmann

Ja, kanskje skulle fleire gjort som Johannessen og underteikna…

Alkohol er og forblir ei “hl s” vare uannsett hvor det blir solgt.

Ja,debatten er igong, Svein. Det var vel det du ville med dine frispark. Dei sosiale negative sidene med missbruk av alkohol, er det nok mange som kan støtte deg i. Du kan likevel ikkje dra dette inn så sterkt som du gjer, etter at kommunen har vedteke å søke om å få pol til Askvoll, og Vinmonopolet har bestemt seg for at dei vil plassere eit pol i bygda. Det en heller må bruke energi på no, er å få igong en debatt om bruk/missbruk av denne vara, og ikkje minst det en kan få i pilleform og o.l. Rødvin er medisin for hjerte og karsjukdomar seiest det. Dersom det er rett kan jo moderat bruk snuast til noko posetivt. Til slutt vil eg framheve kor viktig det er å få snu trenden med fråflytting. Då vil eit restrektiv syn virke mot eit slikt ønskje.

Til slutt vil eg framheve kor viktig det er å få snu trenden med fråflytting.

Hvis det er polet som skal vere avgjerdande for om folk blir verande i Askvoll eller ei, så tykkjer eg det er dårleg stilt med folket. Eg vil faktisk snu det på hovudet og framheve at folk som seier nei til alkohol i mange høve er ein større ressurs enn dei som må ty til rusmidlar i kvardagen og i helgane for å kose seg…

At alkohol er ei lovleg vare, veit vi. Slik sett er det positivt at askvollingane har fått eit utvida varetilbod. Men det er eit samfunnsansvar når utviklinga går over “stokk og stein”.

Johannessen uttalar ovanfor:

– Dei siste åra har det vore ein stor vekst i alkoholbruken, og sosiale relasjonar vert meir blanda med alkohol. Tal frå EU viser at alkoholbruk kostar samfunnet 1000 milliardar i året, og då meiner eg det er viktig å få ein tydelegare politikk på å få redusert forbruket, seier han.

Eg er heilt einig…. Men då blir spørsmålet om auka tilgjenge reduserer forbruket. Eg trur diverre nei. Og det lyt ein sjølvsagt vere i sin fulle rett til å meine.

Pol i Askvoll
Debatten er nok ikkje igang Magne- den er avslutta. Det vi held på med på origo er som slag i lause lufta i denne saka.
Eg har nok sove i timen(det gjer eg ganske ofte). Frå litande hald er eg fortalt at Askvoll kommune forlengst har gjort vedtak som legg vegen åpen for pol i Askvoll. Saka/strategien har nok vore drøfta(debattert?) i meir lukka forum, på partimøter, i sentrumsgruppa ol. og i kommunen. Slik eg har opplever det har dette gått stilt for seg. Om ein møbelhandlar(han frå Gjessheim?) har voke aktiv i kulissane i denne saka veit eg ikkje.
Eg vil gje bra til alle som har vore med i vår vesle debatt, også til Magne. I saka om pol i Askvoll vert eg og Magne neppe samde.
Gustav Skaar sine bidrag er interssante. Det han skriv om stor vekst i alkoholbruken fell saman i tid med det eg har observert vedrørande vin/vinkurs i ulike samanhengar. Marknaden for pol i Askvoll synest vel bearbeidd og førebudd.

Fint Svein, vi avsluttar debatten, og så kan vi pratast som før. God jul til dei som har delteke, med og utan alkohol ! Debatten kom litt ut på vidda. Frå mi side sa eg klårt ifrå om missbruk – det har ikkje noko med en nøktern debatt om verdien i å få mest mogleg vareutval i ei bygd som Askvoll, med busetnad langt ute i havet.

Pol i Askvoll
Det enklaste og mest fornuftige er truleg å la Magne få siste ordet. Polvarer/alkohol til innvortes bruk har eg svært liten røynsle med. Gustav Skaar sine linkar fortel om noko som eg er heilt utan personleg røynsle med.
Eg forstår Magne slik at han ynskjer debatt om bruk/missbruk. Her er eg på tynn is. Eg kan ikkje i særleg grad vise facts- til forskningsresultat. Eg meiner likevel å ha fått med meg at grensa mellom bruk og missbruk er uklår og det er ein snikande overgang til missbruk.
Den uskuldige flaska av polvarene som Magne skriv om(og likar å kjøpe?) er neppe så uskuldig som Magne vil ha det til. Eg trur og at lett tilgang gjev auka bruk. Alkoholbrukaren er svært ofte den siste som forstår og innrømmer for seg sjølv og for andre at han har bikka over og er missbrukar. Kvar Magne(og andre) er på denne skalaen veit eg ikkje noko om. Veit ikkje eg det, så veit alkoholbrukaren det neppe sjølv heller(jamfør ovannende).

Alle er nok samde om at helge-og jule-fylla til far er fele greier. Vinkursa til mor/far(likestilling!) verkar ganske sikker meir hyggelege og uskuldige. Sistnemde er likevel med på å uskuldiggjere og alminneleggjere bruk av alkohol- høgst truleg også til auka rekruttering og auka individuelt forbruk.
Slik eg ser dette er det svært kynisk når lokale kremmarar og politikarar tek pol i Askvoll i bruk for å syrke handelsnæringa i Askvoll.
Dei veit kva dei gjer. Skal dei tilgjevast?

God leiar i BT 2/1-2012

Overstadig ungdomsrus